Yaad-e-watan sitam kiya dasht-e-Haram se laayi kiyu

Baithe bithaye bad naseeb sar pe balaa uthayi kyoon

Dil mein to choot thi dabi haaye ghazab ubhar gayi

Pucho to aah sard sey thandi hawa chalayi kyoon

Chhor key us haram ko aap ban me thagoon key aabsoo

Phir kaho sar pe dhar key haath lut gayi sab kamayi kyoon

Baagh-e-arab ka sar-we-naaz dekh liya hay warna aaj

Qumri-e-jaan-e-ghamzadah goonj key chehchhai kyoon

Naam-e-Madinah le diya chalne lagi naseem-e-khuld

Sozish-e-gham ko ham ne bhi kaisi hawa batayi kyoon

Kis ki nigaah ki hayaa phirti hay meri aankh mein

Nargis mast naaz ne mujh sey nazzer churayi kyoon

Tu ne to kar diya tabeeb aatish-e-seena ka ilaaj

Aaj key daur-e-aah mein booye kabaab aayi kyoon

Fikr-e-ma aash bad bala hol-e-ma aad jaan gazaa

Laakhon bala mein phansne ko rooh badan mein aayi kyoon

Ho na ho aaj kuch mera zikr Huzoor mein hua

Warna meri taraf khooshi dekh key muskurayi kyoon

Hoor-e-jinaan sitam kiya Taibah nazar mein phir gaya

Cheer key parda-e-hijaaz des ki cheez gaayi kyoon

Ghaflat-e-shaikh-o-shaab par hanste hain tifl-e-sheer khwaar

Karne ko gud-gudi abas aane lagi bahayi kyoon

Arz karoon huzoor sey dil ki to mere khair hay

Peet-ti sar ko aarzu dasht-e-haram sey aayi kyoon

Hasrat-e-nau ka sa niha sunte hi dil bigar gaya

Aise mareez ko RAZA marg-e-jawaan sunayi kyoon