Unki Kiya Baat Hai Lyrics

Koi khilqat mein Unsay nahin hai bada

Woh Habeeb-e-Khuda Unki kiya baat hai.

Hum Gunahgar hain hum siyah kar hain

Woh Shafi-ul-wara Unki kya bat hai.

 

Aur kisko urooj itna hasil huwa

Sara Quran hi Un pay nazil huwa.

 

Zeenat-e-Arsh Hain Azmat-e-Farsh hain

Woh Makeen-e-Hira Unki hiya baat Hai.

 

Sab say afzal do aalam main zaat Unki  hai

Wohi Mahboob-e-Rab kainat Unki hai

Rabb-e-Akbar nay jo kuch bhi Hum ko diya

Unkay Sadqay Mila, Unki Kya Baat Hai.

 

Jo Bhi Un say mila usko Rab milgaya

Bay adab zindagi ko adab milgaya.

Rab se Woh ashna Un Say Rab aashna

Woh Daleel-e-Khuda Unki  kiya baat hai.

 

 

Unki khatir do aalam banaye gaye

Unkey  anwaar se phir sajaye gaye.

Unkay rutbe ko jitney badaye gaye

Akal se mawara Unki kya baat hay.

 

Zindagi ka safar ho na jaye tamam

Un pey Aijaz bhejo Durood o Salam.

Woh karam hi karam Woh  ataa hi aata

Woh dua hee dua Unki kya baat hai.