Tumhara Naam Musibat Mein Jab Liya Hoga Lyrics

Tumhara Naam Musibat Mein Jab Liya Hoga

 

Hamara Bigda Huwa Kaam Bann Gaya Hoga

 

Gunahgaar Pe Jab Lutf Aapka Hoga

 

Kiya Bagair Kiya Be-Kiya Kiya Hoga

 

Khuda Ka Lutf Huwa Hoga Dastageer Zaroor

 

Jo Girte Girte Tera Naam Le Liya Hoga

 

Dikhayi Jayegi Mehshar Mein Shaan E Mehboobi

 

Ke Aap Hi Ki Khushi Aapka Kaha Hoga

 

Khuda E Paak Ki Chahenge Agle Pichle Khushi

 

Khuda E Paak Khushi Unki Chahta Hoga

 

Kisi Ke Paanv Ki Bedi Ye Kaat-te Honge

 

Koi Aseer E Gham Unko Pukarta Hoga

 

Kisi Taraf Se Sada Aayegi Huzoor Aao

 

Nahi To Damm Mein Ghareebon Ka Faisla Hoga

 

Kisi Ke Palle Pe Ye Honge Waqt E Wazn E Amal

 

Koi Umeed Se Muh Unnka Tak Raha Hoga

 

Koi Kahega Duhai Hai Ya Rasool Allah

 

To Koi Thaam Ke Daman Machal Gaya Hoga

 

Kisi Ko Le Ke Chalenge Firishte Suwe Jaheem

 

Woh Unka Rasta Phir Phir Ke Dekhta Hoga

 

Shikashta Pa Hu Mere Haal Ki Khabar Kar Do

 

Koyi Kisi Ye Ro Ro Ke Keh Raha Hoga

 

Khuda Ke Waaste Jald Unse Arz E Haal Karo

 

Kise Khabar Hai Ke Dam Bhar Mein Haaye Kya Hoga

 

Pakad Ke Haath Koi Haal E Dil Sunayenge

 

To Ro Ke Qadmo(n) Se Koyi Lipat Gaya Hoga

 

Zaban Sukhi Dikha Kar Koi Lab E Kausar

 

Janaab E Paak Ke Qadmo Pe Gir Gaya Hoga

 

Nishan E Khushrave Di Door Ki Ghulamo Ko

 

Liwaye Hamd Ka Parcham Bata Raha Hoga

 

Koyi Qareeb E Tarazu Koyi Lab E Kausar

 

Koi Sirat Se Unko Pukaarta Hoga

 

Ye Bekarar Karegi Sada Ghareebon Ki

 

Muqaddas Aankhon Se Taal Ishq Ka Bandha Hoga

 

Wo Paak Dil Ke Nahi Jisko Apna Andesha

 

Hujoom E Fikr O Taradud Mein Ghir Gaya Hoga

 

Hazaar Jaan Fida Narm Narm Pau Se

 

Pukaar Sun Ke Aseero(n) Ki Daudta Hoga

 

Azeez Bachhe Ko Maa(n) Jis Tarah Talaash Kare

 

Khuda Gawah Wahi Haal Aapka Hoga

 

Khudayi Bhar Inhi Haathon Ko Dekhti Hogi

 

Zamane Bhar Inhi Qadmon(n) Pe Laut-ta Hoga

 

Bani Hai Dum Pe Duhai Hai Taj Wale Ki

 

Ye Ghul Ye Shour Ye Hungame Ja-Ba-Ja Hoga

 

Maqam Faasilon(n) Par Kaam Mukhtalif Itne

 

Ye Din Zuhoor E Kamaal E Huzoor Ka Hoga

 

Kahenge Aur Nabi “Iz Habu Ila Gayri”

 

Mere Huzoor Ke Lab Par “Ana Laha” Hoga

 

Dua E Ummat E Badkaar Wird E Lab Hogi

 

Khuda Ke Saamne Sajdeh Mein Sarr Jhuka Hoga

 

Ghulam Unki Inayat Se Chayn Mein Honge

 

Aduu Huzoor Ka Aafat Mein Mubtala Hoga

 

Main Unke Dar Ka Bhikari Hu Fazl E Maula Se

 

Hasan Faqeer Ka Jannat Mein Bistara Hoga