Qabr jis dam Meri tayyar karayi jaye Lyrics

 

Qabr jis dam Meri tayyar karayi jaye

Khak thodi si Madine ki bhi dali jaye

 

Aabe Zamzam ho muyassar to gusal de dena

Chadare Kafn bhi Tayba se mangayi jaye

 

Itni gehri ho lahed ke mein khada ho jaun

Deed jis dam Muje Aaqa ki karayi jaye

 

Chashme Bad Qabile Deedar banane ke liye

Khake-pa thodi si aankhon mein lagayi jaye

 

Jab Janaze ki Mere leke chalein Mere Raqib

Naat-e-Sarkar Muje waha bhi sunayi jaaye

 

Hamko kaanta bhi chubhe dard unhe hota hai

Aye Malak Rooh Meri dhire se nikali jaye

 

Kya hi acchha ho ke Salman ka bharam reh jaye

Chadare Kafn na Chehre se hatayi jaye

 

Nakshe Nalayn Nabi Sar pe Mere rakh dena

Yehi Surat hai ke Surat ye dikhayi jaye

 

Comments

 

Mujahid Qureshi