Pohnchu Dare Sarkaar Pe Chaha Tou Yehi hai

Aage Meri Taqdeer Tamana Tou Yehi Hai.

 

Ek Khaas Mehak Aane Lagi Mauje Hawaa Mein

Aasaar Batate Hain Madina Tou Yehi Hai.

 

Hain Gumbad e Khazra Ke Siwa Aur Bhi Jalwe

Ankhoon Ke Liye Khaas Nazaara Tou Yehi Hai.

 

Ye Unki Raza Hai Mujhe Bhejein Mujhe Rokein,

Wapas Main Nahi Aaunga Socha Tou Yehi Hai.

 

Yaad Unki Rahe Dil Mein, Jamaal Unka Nazar Mein

Naam Unka Zabaan Par Rahe Achcha Tou Yehi Hai

 

Har Saans Se Aati Ho Sadaa Salle Ala Ki

Hum Laakh Jiyein, Asal Mein Jeena Tou Yehi Hai.

 

Izhar e Gham e Hijr Ki Kya Shakl Nikaloon,

Rone Ki Bhi Takat Nahin Rona Tou Yehi Hai.

 

Taiba Mein Ho Sab Kuch Mere Daaman Mein Hain Aasein,

Duniya ka Karoon Kiya Meri Duniya To Yehi Hai.

 

Pohnchu Dare Sarkaar Pe Chaha Tou Yehi hai

Aage Meri Taqdeer Tamana Tou Yehi Hai.