Nazar pe kisi ki Nazar ho rahi hai Lyrics

 

Nazar pe kisi ki Nazar ho rahi hai

Meri Chashm kale Ghohar ho rahi hai

 

Mere khufiya nalon ko Wo sun rahe hein

Inayat kisi ki kidhar ho rahi hai

 

Wo Tayba se Mujhko Talab kar rahe hein

Talab Meri ab Mo’atabar ho rahi hai

 

Madine mein hun aur pichhla pahar hai

Shabe Zindagi ki Sahar ho rahi hai

 

Koi Shab nahi hai Zamane mein aesi

Shabe Tayba Rashke Kamar ho rahi hai

 

Hua Talibe Tayba Matlube Tayba

Talab Teri Aye Muntazir ho rahi hai

 

Nayi Zindagi ki Wo meh de rahe hein

Meri Zindagani Amar ho rahi hai

 

Guzara hai Jis Dar se Donon Jahan ka

Usi Dar pe Apni Guzar ho rahi hai

 

Madine se Meri Bala jaye Akhtar

Meri Zindagi Wakfe Dar ho rahi hai