Jagaa do meri qismat bhi khudara Ya Rasulullah

(salla Llahu ‘alayhi wa sallam)

Dikhado mujh ko rozah ka nazarah Ya Rasulullah (salla Llahu ‘alayhi wa sallam)

 

Meri duniya sanwar jaey meri ‘uqba sadhar jaey

Agar ho jaey Rahmat ka isharah Ya Rasulullah (salla Llahu ‘alayhi wa sallam)

 

Tumahara naam-e-naami hai sukoon-e-qalb ka ba’is

Nazar ka noor hai rozah tumhara Ya Rasulullah (salla Llahu ‘alayhi wa sallam)

 

Zamanah choot jaey ruth jaey khalq to kya gham

Na choote haath sey daman tumharah Ya Rasulullah (salla Llahu ‘alayhi wa sallam)

 

Jabeen-e-showq mas hoti hai jab rowzah ki jaali sey

Chamak jata hai qismat ka sitarah Ya Rasulullah (salla Llahu ‘alayhi wa sallam)

 

Tamana-e-Sikandar hai dam-e-aakhar Shah-e-Bat-ha

Rahey wird-e-zuban kalmah tumhara Ya Rasulullah (salla Llahu ‘alayhi wa sallam)