Hum khaak hain aur khaak hi maawa hai hamaara

Khaki to wo Aadam Jadd-e-Aala hai hamara

 

Allah hamein khaak kare apni tallab mein

Ye khaak to Sarkaar (salla Llahu ‘alayhi wa sallam) se tamgha hai hamara

 

Jis khaak pe rakhte the qadam Sayyid-e-Aalam (salla Llahu ‘alayhi wa sallam)

Us khaak pe qurbaan dil-e-shaida hain hamara

 

Usne laqabe khaak shahenshaah se paaya

Jo Haidar-e-Karraar ke maula hai hamara

 

Aye muddaiyo khaak ko tum khaak na samjho

Iss khaak mein madfoon Shah-e-Batha hai hamaara

 

Hai khaak se taameer Mazaar-e-Shah-e-Konain (salla Llahu ‘alayhi wa sallam)

Ma’moor isi khaak se qibla hai hamara

 

Ham khaak uraeinge jo wo khaak na paayi

Aabaad Raza jiss pe Madina hai hamara

 

Hum khaak hain aur khaak hi maawa hai hamaara

Khaki to wo Aadam Jadd-e-Aala hai hamara