Ek Fatima ke laal ko pani nahin diya Lyrics

Ek Fatima ke laal ko pani nahin diya hai

Ek Fatima ke laal ko pani nahin diya hai

 

Ek katra nahin Tauheed ke pyase ke liye

Band hai naher Muhammad ke nawase ke liye

Khune Shabbir se mehnga hua bartar pani

Kaun de Aabide Bimar ko la kar pani

Sakee-e-Kausar o Tasneem hai jiska nana

Karbala mein hai wahi Teen dinon ka pyasa

Badla Laeen Tune kis jurm ka liya hai

 

Ek Fatima ke laal ko pani nahin diya hai

Ek Fatima ke laal ko pani nahin diya hai

 

Mashk thame hue Abbas Alamdar chale

Naher ki simt wo pani ke talabgar chale

Lashkare Shimr ne ki Teeron ki barish itni

Ho gaye Hazrate Abbas ke bazu chhalli

Ae sitamgar tera is par bhi kaleja na hila

Haae Nanhi si Sakina ko bhi pani na diya

Ye charkh kya karega sitam tune jo kiya hai

 

Ek Fatima ke laal ko pani nahin diya hai

Ek Fatima ke laal ko pani nahin diya hai

 

Pyas bete ki jo dekhi to hua dil be-chain

Aaye Asgar ko uthaye hue godi mein Husain

Haae zulm ke paani teri ye be-rehmi

Kar diya teer se nanha sa kaleja zakhmi

Zulm kitna bada ek tifl pe toda tune

Dudh pite hue bache ko na chhoda tune

Nanhin si jaan par bhi na tune reham kiya hai

 

Ek Fatima ke laal ko pani nahin diya hai

Ek Fatima ke laal ko pani nahin diya hai