di hazrate bilal ne kabe se jab sada lyrics

Hayya ‘ala s-Salah, hayya ‘ala l-Falah

 

 

 

Dee Hazrath e Bilal ne Kabe se jab sada

Hayya ‘ala s-Salah, hayya ‘ala l-Falah

Irshade Kibriya hai yeh Farmane Mustafa

Hayya ‘ala s-Salah, hayya ‘ala l-Falah

 

Paida huwe Rasool to Rehmat baras padhi

Thi Arsh se zameen talak Noor ki jhadi

Daee Haleema Goud me lekar jo chal padhi

Beeamar oonthni me ajab jaan padh gayee

Baade saba ne jhoom ke kanaun me yoon kaha

Hayya ‘ala s-Salah, hayya ‘ala l-Falah

 

Arshe Baree par Rab ne Bulaya Huzoor ko

Jibraeel aye aur Jagaya Huzoor ko

Haq ki raza ka jaam peelaya Huzoor ko

Chalne lage to Rab ne bataya Huzoor ko

Ummat se jaake kehna yehi tohfa hai mila

Hayya ‘ala s-Salah, hayya ‘ala l-Falah

 

Islam ke Alam ko uthaya Hussain ne

Baatil ke agay sar na jhukaya Hussain

kya cheez hai Namaaz bataya Hussain ne

Sajde me Apne sar ko kataya Hussain ne

Yeh dashte se abhi atee sadaa

Hayya ‘ala s-Salah, hayya ‘ala l-Falah

 

Dadhi tamam Nabiyaun ki Sunnat hai momino

Islam ka sha’ar hai Rehamt hai momino

Sarkar ki Ghulami ki nisbat hai momino

Sunnnat par jo chala use jannat hai momino

Jannat me bhi mile ga hamay khurbe Mustafa

Hayya ‘ala s-Salah, hayya ‘ala l-Falah

 

Meraj Roohe ahle baseerat Namaaz hai

Afzal tareen shughul sa’adat Namaaz hai

Mere Nabi ki Aankhaun ki Thandak Namaaz hai

Momin ke waaste to Shahadat Namaaz hai

Yeh hai kaleeme mazhare altafe kibriya

Hayya ‘ala s-Salah, hayya ‘ala l-Falah