Dar e Jaana Pe Fidai Ko Ajal Aayi Ho Naat Lyrics

 

 

Huzur Tajushariyah Mufti Akhtar Raza Khan Qadri Azhari

 

Dar e Jaanaan Pe Fidaa’i Ko Ajal Ayi Ho

Zindagi A Kai Janaazai Pe Tamaashaa’i Ho

 

Tairi Surat Jo Tasawwur Mei Utar Ayi Ho

Phir To Khalwat Mai Ajjab Anjuman Araa’i Ho

 

Naik Saa’at Se Ajal Aish e Abad Laa’i Ho

Dar e Jaanaan Pai Koi Mehw e Jabin Saa’i Ho

 

Sang e Dar Par Tere Yun Naasiya Farsaa’i Ho

Khud Ko Bholaa Huwaa Jaanaa Tera Shaidaa’i Ho

 

Khud Ba Khud Khuld Wahan Khinch Kai Chali Ayi Ho

Dasht e Taibaa Mai Jahaan Baadiya Paimaa’i Ho

 

Mowsam e Me Ho Woh Gaisu Ki Ghattaa Chaa’i Ho

Chashm e Maigun Se Pi’ain Jalsaa e Sahbaa’i Ho

 

Chaandni Raat Mai Phir Me Kaa Woh Ek Daur Chale

Bazm e Aflaak Ko Bhi Hasrat e Me Ayi Ho

 

Unn Kai Diwaane Khuli Baat Kahaan Karte Hain

Baat Samjhe Woh Jo Saahib e Daanaa’i Ho

 

Mehr e Khaawar Pai Jamaa’e Nahi Jamti Nazrain

Woh Agar Jalwaa Karain Koun Tamaashaa’i Ho

 

Dasht e Taibaa Mai Chalun Chal Kai Giron Girr Kai Chalun

Naatawaani Meri Sad Rashk e Tuwaanaa’i Ho

 

Gul Ho Jab Akhtar e Khasta Ka Chiraagh e Hasti

Uss Ki Ankhon Mai Tera Jalwaa e Zaibaa’i Ho