Badal Ya Fard Jo Kamil Hai Ya Ghous Lyrics

 

 

Badal yaa fard jo kaamil hay Yaa Ghaus

Tere hi dar sey mustakmil hay Yaa Ghaus

 

Jo teri yaad sey zaahil hay Yaa Ghaus

Wo zikrullah sey ghaafil hay Yaa Ghaus

 

Anas sayyaaf sey jaahil hay Yaa Ghaus

Jo tere fazl par saail hay Yaa Ghaus

 

Sukhan hain asfiyaa tu maghz e ma’ani

Badan hain auliya tu dil hay Yaa Ghaus

 

Agar wo jism e ‘irfaan hain to tu aankh

Agar woh aankh hain tu til hay Yaa Ghaus

 

Uloohiyyat nabuwwat key siwaa tu

Tamaam afzaal ka qaabil hay Yaa Ghaus

 

Nabi key qadmon par hay juz e nabuwwat

Keh khatm is raah mein haail hay Yaa Ghaus

 

Uloohiyyat hi Ahmad ney nah paayi

Nabuwwat hi sey tu ‘aatil hay Yaa Ghaus

 

Sahaabiyat huyi phir tabei’iyat

Bas aage Qaadiri manzil hay Yaa Ghaus

 

Hazaaron taabei’ sey toh fuzoon hay

Woh tabqa mujmalan faadhil hay Yaa Ghaus

 

Raha maidaan o shehrstaan e ‘irfaan

Tera ramna teri mehfil hay Yaa Ghaus

 

Yeh Chishti Soharwardi Naqshbandi

Har ek teri taraf maayil hay Yaa Ghaus

 

Teri chiriyaan hain tera daana paani

Tera mela teri mehfil hay Yaa Ghaus

 

Unhein tu Qaadri bai’at hay tajdeed

Woh haan khaati jo mustabdil hay Yaa Ghaus

 

Qamar par jaisey khur ka yoon tera qarz

Sab ahl e noor par faazil hay Yaa Ghaus

 

Ghalat kar dam toh waahib hay nah muqriz

Teri bakhshish tera naayil hay Yaa Ghaus

 

Koi kya jaane tere sar kaa rutba

Key talwa taaj e ahl e dil hay Yaa Ghaus

 

 

 

Mashaaikh mein kisi ko tujh pey tafzeel

Ba hukm e auliya baatil hay Yaa Ghaus

 

Jahaan dushwaar ho wahm e musaawaat

Yeh jur’aat kis qadar haayil hay Yaa Ghaus

 

Tere khuddaam key aagey hay ik baat

Jo aur aqtaab ko mushkil hay Yaa Ghaus

 

Use idbaar jo mudbir hay tujh sey

Woh zee Iqbaal jo muqbil hay Yaa Ghaus

 

Khuda key dar sey hay matrood o makhzool

Jo teraa taarak o khaazil hay Yaa Ghaus

 

Sitam kori wahaabi raafzi ki

Key hindu tak tera qaayil hay Yaa Ghaus

 

Woh kya jaanega fazl e Murtaza ko

Jo tere fazl ka jaahil hay Yaa Ghaus

 

Raza key saamne ki taab kis mein

Falak waar us pey tera zil hay Yaa Ghaus