Arshe Haq he musnade rif’at Rasoolullah ki lyrics

Arshe Haq he musnade rif’at Rasoolullah ki ye

Dekhni he Hashr me Izzat Rasoolullah (salla Llahu ‘alayhi wa sallam) ki

 

Qabr me lehrayenge tha Hasr chashme noor ke

Jalwah farma hogi jab tal’at Rasoolullah (salla Llahu ‘alayhi wa sallam) ki

 

Kaafiro Par Taighe Waala Se Giri Bakre Ghazab

Abr-Aasa Cha Gayi Haibat Rasoolullah (salla Llahu ‘alayhi wa sallam) Ki

 

Laa Wa Rabbil Arsh jisko jo mila Unse mila

Bat’ti he Kownain me ne’mat Rasoolullah (salla Llahu ‘alayhi wa sallam) ki

 

Wo Jahannum me gaya jo Unse mustaghni huwa

Hai Khalleelullah ko haajat Rasoolullah (salla Llahu ‘alayhi wa sallam) ki

 

Sooraj ulte paaw palte chaand ishaare se ho chaak

Andhe Najdi dekhle Qudrat Rasoolullah (salla Llahu ‘alayhi wa sallam) ki

 

Tujhse aur Jannat se kya matlab wahabi duur ho

Hum Rasoolullah ke, Jannat Rasoolullah (salla Llahu ‘alayhi wa sallam) ki

 

Zikr Roke Fazal Kaate Naqs Ka Juya(n) Rahe

Phir Kahe Mardak Ke Hu Ummat Rasoolullah (salla Llahu ‘alayhi wa sallam) Ki

 

Najdi Usne Tujhko Mohlat Di Ki Iss Aalam Me Hai

Kaafiro Murtad Pe Rehmat Rasoolullah (salla Llahu ‘alayhi wa sallam) Ki

 

Hum bhikaari Wo Kareem, Unka Khudaa Unse fazoo

Aur naa kehna nahee Aadat Rasoolullah (salla Llahu ‘alayhi wa sallam) ki

 

Ahle Sunnat ka he bera paar Ashaabe Rasool (salla Llahu ‘alayhi wa sallam)

Najm he aur Naav hai Itrat Rasoolullah (salla Llahu ‘alayhi wa sallam) ki

 

Khaaq Ho Kar Ishq Me Aaram Se Sona Mila

Jaan Ki AkSeer Hai Ulfat Rasoolullah (salla Llahu ‘alayhi wa sallam) Ki

 

Toot jaa-enge gunaahgaro ke fawran qaid-o-bund

Hashr ko khuljaaegi Taaqat Rasoolullah (salla Llahu ‘alayhi wa sallam) ki

 

Ya Rabb ik saa’at me dhul jaa-e siyaahkaro ke jurm

Josh par aa jaaye ab Rehmat Rasoolullah (salla Llahu ‘alayhi wa sallam) ki

 

Hai Ghule Baaghe Qudus Rukhsaar E Zeba E Huzoor

Sarve Ghulzaar E Qadam Kaamat Rasoolullah (salla Llahu ‘alayhi wa sallam) Ki

 

Ae Raza khud Saahibe Quraan hai mud’daahe Huzoor

Tujhse kab mumkin he phir midhat Rasoolullah (salla Llahu ‘alayhi wa sallam) ki