Ab Kahan Jaon Tarap Ke Lyrics

ab kahan jaon tarap ke

dil ki yeh khwahish nikaal

ae madine ki zameen

meri bhi gunjaish nikaal

 

ae rahe ishq e Nabi (salla Llahu ‘alayhi wa sallam)

kar ke fanah tak rahbari

mujh se aasi ki bhi koi

soorat e bakhshish nikaal

 

aye fiza taiba ki mere

gird halqa khench kar

mu’dat e umr e rawan se

arsa e gardish nikaal

 

bargah e Mustafa mein

dil se yeh aai sada

aaj ki taareekh se

taareekh e paidaish nikaal

 

pesh kar de na qamar

sarmaya e naat e nabi

hashr mein jab hukm ho ga

nama e pursish nikaal